ئلتلي ما رح تطول الغياب
وبعدني تحت راية الحرّية ناطرتك
ئلتلي ما رح تودّع الأحباب
وبعدنا على باب الاستقلال منندهلك
ئلتلي سامحيني
الله أمر وأخد أمانته
ليحيا لبنان... وتزين أرضه سيادته
ليبقى لبنان /
ئلتلي حبوا بعض
اسلام ومسيحية
ليبقى لبنان /
اسقوا أرزهُ وترابه الطاهر بدم الشهدا
محبة... وحنيّة
ليبقى لبنان /
رمز السلام
رمز الحرّية
....
ئلتلك /
على الوعد باقيين
يا رفيق الأيام السعيدة
ورح نهديك الحِلم
حقيقة مضوّية
شمس الوحدة الوطنية
رح يرجع لبنان
وتضحك العيون الحزينة
ونغني كلنا سوا
( بحبك يا لبنان يا وطني بحبك)
تحدي وارادة وعزيمة
الهام ناصر
